Polîsanê tirkan bînaya Merkezê Pêroyî yê HDPyî girewte binê ablûqa. Polîsan nêverda ke xebatkar û endamê partî debikewê bîna.

Eşkera bi ke kesanê provakatoranê ke verê bînaya HDPyî ya Amedî de ronişte yê, waşt ke verê bîna de eşkerayîye bidê coka bîna gêrîyaye binê ablûqa.

Wekîlê HDPyî yê Êlihî Mehmet Ruştî Tiryakîyî ablûqaya polîsan ser o ame bîna û vat: ''Ma musayî ke ê yenê eşkerayîye danê û çelengan nanê ro beno ke ronişê verê bîna dde. Ê do xebatanê partîye asteng bikerê. Ma zî ameyî Merkezê Pêroyî û ma vat ma do destûr nêdê ney. Ê do zaf verê bîna de nêmanê, 1-2 kesî do bêrê, çelengî bidê û şorê. Ma zî zereyê bîna de vindarte yê. Eke ê zêdêr çîyan bikerê ma do nêverdê.''