Hemverê tecrîdkerdişê Rayberê Şarê Kurdî Abdullah Ocalanî de mayê tepişteyan 3 rojî yo ke awanîya HDP’yî ya bajarê Mersînî de grevê vêşanîye de yê. Polîsanê Tirkî vizêr bişewe eşt serê awanîye.

2 kesê ke ameybî serdana çalakwanan hetê polîsan ra ameyî vindarnayene. Polîsan înan ra vat, “Êyê ke cor de yê înan ra vajê wa grevê vêşanîye biqedînê” ne ke ê do fek înan ra vera nêdê.

Avûkat û îdarekarê HDP’yî yê bajarî ameyî awanîye û ard ziwan ke no tewir tewirêko huqûqî nêyo û persa tirem no çî bi qerarê dozgerîye yo yan nê. Polîsan zî vat ê do qerarê dozgerîye dima ra bîyarê. Polîsê Tirkî wextêko derg awanîye de mendî û naye ser îdarekaranê HDP’yî yê bajarî dimayê pêvînayîşê mayan ê çalakwanan ra polîsan ra vat, “Mayî vanê ê do fek çalakîya xo ra vera nêdê. Qerarê înan no yo.”

Polîsan zî vat ke ê do seba qedîyayîşê çalakîye heta şodir vinderê û awanîye ra vejîyayî.