Amed saetanê rewî yê serê sibayî de polîsanê tirkan eşt Komeleya Cigêrayîşê Ziwan û  Kulturî yê Mezopotamya (MED-DER) û Pirtûkxaneyê Payîzî ser. Sereştiş de xeylêk xebatkarê komele ameyî destbendkerdene. Komel û pirtûkxane de cigêrayîşê polîsan dewam kenê.

MED-DER çend serrî yo bi lehçeyanê kurmanckî û kirdkî yê kurdkî dersan dano.

Mêrdîn

Qezaya Qoserî yê Mêrdîn de zî çarçewaya operasyonê qirkerdişê sîyasîyî de polîsan eşt xeylêk adresan ser. Îdarekarê HDPyî yê verênî Necla Kaya, Abdulganî Feritogullari û Yesamîne Demirkaya zî tede xeylêk kesî ameyî destbendkerdene.

Kesê ke ameyî destbendkerdene ameyî berdene Fermandarîya Cendirmenyan a Bajarî.