Dima ke Hêzanê Demokrasî, Haştîye û Kede îlan kerd ke ê do rihtimê Kadikoyî de seba paştdayîşê bi wendekaranê Bogaziçi çalakîye bikerê qeymeqamîye çalakîye qedexe kerde. Rixmê qedexeyî zî wendekar û wekîlî Kadikoy de ameyî pêser û înan dest pê çalakîye kerd.

Polîsan hêrişê çalakîye kerd û pê îşkence û derbe wekîlî meydan ra dûrî vistî. Xeylêk wendekarî îskeleya keştîyan û îstasyonanê metroyî de ameyî destbendkerdene.

Polîsan Wekîlê TÎPî Bariş Atay derb kerd û Wekîlê HDPyî yê Îstanbulî Musa Pîrogluyî rê zî şîdet kerd.

Polîsan gazê îsotî û guleyê plastîkî eştî çalakîkeran ser. Rixmê tedaya polîsan zî ciwanan çalakîya rayraşîyayîşî kerde.

Hêrişê polîsan ra dima ciwanî kuçeyanê Kadikoyî ra vila bîyî.