Mayê Şemeyî seba ke aqîbetê merdimanê xo yê ke pê destê dewlete ameyî vînîkerdene, bipersê û kiştoxî bêrê muhakemekerdene, hewteyê 948. yê çalakîya xo de waşt Meydanê Galatasarayî de bêrê pêser. Polîsan Kuçeyçe Îstîklalî de reyna hêrişê dayîkan kerd û xeylêk kesî destbend kerdî.

Sereka Pêroyî ya Komeleya Heqanê Merdiman (ÎHD) Erene Keskîn û Seraka Şubeyê Îstanbulî Gulserene Yollerî zî tede 18 kesî ameyî destbendkerdene. Kesê ke ameyî destbendkerdene wasayîtê destbendkerdişî ra vilîkî eştî Meydanê Galatasarayî û nîşanê serkewtişî kerd. 

Nasmeyê kesanê ke ameyî destbendkerdene wina yê: "Erene Keskin, Gulserene Yoleri, Besna Tosun, İrfan Bilgin, Umit Efe, Coşkun Usterci, Huseyin Aygul, İkbal Eren, Maside Ocak, Hanife Yildiz, Ali Ocak, Mikail Kibayir, Hasan Karakoç, Hunkar Yurtsever, Cuneyt  Yilmaz, Leman Yurtsever, Mehmet Mert Karatag, Ozge Bakır Efe."