Vizêr Îstanbul de polîsan hêrişê çalakîya vera PDKyî kerdbi û xeylêk kesî derb kerdbî. Hemserekê HDPyî yê qezaya Çatalca yê Îstanbulî Nîhat Bozkuş hetê 20 polîsan ra pê kaşkerdişî ame berdene bi kuçeyêkî û tîya de ame derbkerdene.

Bozkuşo ke hêriş de birîndar bîyo, tedawî ra dima  taburcu bi. Bozkuşî da zanayene ke Nêweşxaneyê Okmeydaniyî û Bagcilarî raporê derbe nêdayo ci. Bozkuşî gerreyê polîsan zî kerd. 

Bozkuşo ke sereyê xo ra bi giranî derbî werdê vat: ''Polîsan embazê ma destbend kerdî û îşkenceyê ma kerd. La nê hêrişî do pê ma nêeşkê û ma têkoşînê xo rê qetî fek vera nêdê. Polîsê AKPyî îşkence kenê û nêweşxaneyî zî raporê derbe nêdanê. Çunke wazenê delîlê îşkenceyî çin bikerê.''