Amed, Êlîh û Wan de bi desan cinîyî ameyî destbendkerdene

Seba wedartişê tecrîdê serê Rayberê Şarê Kurdî Abdullah Ocalanî û paştîdayîşê çalakîya Leyla Guvene aktîvîstanê TJA grevê vêşanîye organîze kerdî. Polîsan hêrişê Mayanê Aşitîye kerd û bi desan cinîyî destbend kerdî.

Têgêrayîşê Cinîyanê Azadan (TJA) Amed, Êlîh û Wan de seba wedartişê tecrîdê serê  Rayberê Şarê Kurdî Abdullah Ocalanî çalakîyî organîze kerdî. Polîsan eşt çalakwanan ser bi desan cinîyî destbend kerdî.

AMED DE 25 CINÎYÎ AMEYÎ DESTBENDKERDENE

Amed de vizêr bi seyan polîsan bi TOMA û wesayîtanê zirxinan eşt serê çalakîya TJA ya ke banê HDPyî de ameyêne viraştene. Cinîyan bi tilîlîyan û slogana ‘‘Zextî nêeşkenî ma vindarnî‘‘ cewab da polîsan. Sereştişî de 25 cinîyî ameyî destbendkerdene.

Cinîyê ke ameyî destbendkerdene nameyê înan wina yê: Bahar Karakaşulu, Yildiz Kardeşe, Yuksel Almaze, Nurşen Akbale, Sakîne Yakute, Muazzez Altinkaynake, Sevîm Coşkune, Gulîstan Ektî, Rahîme Înce, Fatma Yakoglu, Perîhan Karayike, Makbule Ozbeke, Rahîfe Ergule, Sultan Aksoye, Ayhan Ateşe, Hasino Gulere, Hasret Akaye, Hedayet Aye, Rahşan Îze, Remzîye Sizici, Muşehher Ulkere, Evîn Yelboga, Jîyan Taşe, Aysel Tufane û Remzîye Bayrame.

MAYE 80 SERRÎ ERD RA AMEYE KAŞKERDENE

Aktîvîstanê TJA bi eşkerayîyêk hêrişê polîsan protesto kerd. Eşkerayîye de ame vatene ke mayê 80 serrî hetê polîsan ra bi erd ra kaşkerdişî ameyî destbendkerdene no senî wijdan o. Cinîyan da zanayene ke xoverdayîşê înan do bi girdbîyayîşî dewam bikero.

ÊLÎH DE 28 TENÎ AMEYÎ DESTBENDKERDENE

Amedî ra dima Êlîh de zî polîsan eşt çalakîya grevê vêşanîye ya TJA ser. Sereştişî de hemsereka HDPyî ya bajarî Berîvan Helen Işike zî tede 28 tenî ameyî destbendkerdene.

Cinîyê ke ameyî destbendkedene nameyê înan wina yê: Hemsereka HDPyî ya bajarî Berîvan Helen Işike, Ezel Aydene, Zozan Şîmşeke, Sedat Yildiz, Hadi Bahadir, Eyup Yagiz, Yaşar Kirca, Ahmet Yilmaz, Sidik Topbaş, Zedan Ekmen, Osman Bozkurtaca, Songul Korkmaze, Vildan Ergule Tîlegî, Gulcemal Erdînçe, Sabîha Ekîncî, Maşallah Kaya, Menfiat Çelîk, Halîse Bîlîre, Alîya Işike, Tugba Dogane, Elîf Tîluk Tîmure, Şukran Çelebî, Sakîna Baytare, Edîbe Bîlîre, Sabahat Acare, Darya Arslane û Nefîa ke pênameyê ci nêame zanayene.

WAN DE 14 CINÎYÎ AMEYÎ DESTBEDKERDENE

Wan de zî ewro saetanê rewî ê serê sibayî de polîsan eşt çalakwananê TJA û Mayê Aşitîye yê ke seba wedartişê tecrîdê serê Ocalanî grevê vêşanîye de bî ser û 14 cinîyî destbend kerdî.

Ê ke ameyî destbendkerdene nameyê înan wina yê: Cazîye Dumane, Eylem Oklu, Behîce Abi, Zekîye Kaya, Dîlan Yildize, Neslîhan Şedale, Hatîce Akdage, Nesîbe Akdage, Eda Umaçe, Leyla Boge, Hedîye Kaçake, Keve Kaçake û Besra û Kudrete ke pênameyê înan nêame zanayene.