Bi wesîleya serrgêra 30. ya Qirkerdişê Madimakî (Sêwasî), qezaya Sarigazî ya Îstanbulî de hetê Komîteya Amadekarîye ya Sarigazîyî ra çalakîya yadkerdişî ameye kerdene. 

Polîsan hêrişê çalakîye kerd. Polîsan bi bahaneya ke fotografê Îbrahîm Kaypakkayayî ameyo akerdene hêrişê rayraşîyayîşî kerd. Polîsan 6 kesî bi îşkenceyî destbend kerdî. Hetkarê Mudirê Asayîşê ÎStanbulî Hanîfî Zengînî zî pê qiseyê 'Gelo çew est o ke ma rê çîyêkî vajo?' girseyî rê gef wend. 

Polîsan dormeyê girseyî girewt û kerd ke çapemenîye asteng bikerê. Rojnameger Emre Ormano ke dîmenî girewtêne ame destbendkerdene.