Komîteya Amadekarî ya1'ê Gulane, seba ke 1'ê Gulane Roşanê Kerkeran Taksîm de pîroz bikera muracat bi selahîyetdaran kerdibî. Lalebê waştişê înan nêame qebûlkerdene. Mîyanê komîteye de, Konfederasyonê Sendîkayanê Karkeranê Şorişgêran ê Tirkîya (DÎSK), Konfederasyonê Sendîkayanê Kedkeran (KESK), Yewîya Odayanê Muhendîs û Mîmaranê Tirkî TMMOB) û Yewîya Tabîbanê Tirkî (TTB) ca gênê.

Dimayo ke muracat ame redkerdene, sendîkayan qerar da ke 1'ê Gulane Wareyê Bazarî yê Bakirkoyê pîroz bikerê. Seba 1'ê Gulane rê hîna hîrê rojî estê, labelê polîsanê Tirkî nika ra Taksîm girewto binê ablûqa.

Polîsanê rejîmî seba ke Wareyê Taksîmî  bigêrê binê ablûqa, dest kerd  ronayîşê barîyeranê fekê rayîr û kuçeyan ê ke vejîyenê Taksîmî.