Polîsan vizêr Îstanbul de bi hawayêkê hemwextî eştbi xeylêk keyeyan ser û hunermenda MKMyî Dengbêje Xalîde zî tede xeylêk kesî destbend kerdbî.

Qezaya Bahçelîevlerî de polîsan sereştiş de Vedat Ozdemîrî rê zî îkence kerd. Seba ke derheqê ci de bira destbendkerdişî çin bî, polîsan embaza ci Munevvere Îlgîn destbend kerde.

Ozdemîrî qala îşkenceyî kerde û îfade kerd ke sereştiş de embaza ci erdî ra derg kerde û pay na serê aye. Ozdemîrî da zanayene ke polîsan da paruyanê ci ro û vat: ''Înan da sereyê mi ro. Mi raporê derbe girewt. Polîsan da Munevvere ro zî. Ez hema zî nêzanena ke sûcê mi çita yo. Înan keyeyê mi serûbin kerd. Ez hema zî nêeşkena nefes bigêra. Ê wazenê bi nê hawayî çimê ma bitersnê.''

Polîsan destbendkerdeyî berdbî Fermandarîya Cendirmeyan a Îstanbulî. Derheqê înan de qasê 24 saetan qedexeyê pêvînayîşê avûkatan est o û nêzanîyeno ke çend kesî ameyê destbendkerdene.