Tirkîya de prosesê weçînitişê cayî yê 31ê Adare ame destpêkerdene. Çarçiwaya teqwîmê Sazîya Weçinitişî ya Berzî de do 2ê Çile de partîyê ke bieşkê tewrê ci bibê bêrê îlankerdene û 31ê Adare de sîcîlê înan bêrê qetîkerdene.
Partîyê sîyasîyî yê ke do tewrê weçînitişê cayî bibê do 2ê Çile Çarşeme de bêrê îlankerdene. Lîsteyê herêma keyatî do 4ê Çile roja Îneyî saet 08.00 ra heta 17ê Çile saet 17.00 aliqnaye bimanê.
Cayê partîyanê sîyasîyan ê pusula zî do 27ê Çile bi qura bêrê bewlîkerdene. Partîyê sîyasîyî do lîsteyanê xo yê namzedan 19ê Sibate de teslîme sazîya weçînitişî bikerê. Pîya bi nê do lîsteyê namzedanê vîyartoxan 22ê Sibate de û lîsteyê namzedanê qetîyan zî do 3ê Adare de bêrê îlankerdene.
Goreyê YSKyî ra do qedexeyê propagandaya weçînitişî 21ê Adare de dest pê bikero, qedexeyê propaganda 30ê Adare 18.00 de biqedîyo.
Weçînitişî do 31ê Adare 2019 de roja Yewşemeyî bêrê viraştene. Qedexeyê weçînitişî do heman roje de saet 24.00 ra dima biqedîyê.
