PTT’yî ra Seyîd Rizayî rê qedexe
Parlamenter Zeynel Ozenî TBMM de pûlê posta yê ke ser o resimê Pîr Sûltan Abdal û Haci Bektaş-i Velî estbî çap kerdî. Cewabêko negatîf dîya waştişê çapkerdişê pûlo ke ser o resimê Seyîd Rizayî estbi.
Parlamenterê HDP’yî yê Stenbolî Zeynel Ozenî Meclîsê Tirkîya yê Miletî yê Pîlî rê seba pûlanê ke ser o resimê rayberanê Elewîyan estê çap bibê muracat kerd. Selahîyetdaranê TBMM PTT’yî resimê Pîr Sûltan Abdal û Haci Bektaş-i Velî tesdîq kerdî, labelê resimê Seyîd Rizayî red kerd.
Selahîyetdaran mazeretê redkerdişî ser o tena vat, “Merkezî ra tesdîq nêame.”
Pûlê postayanê ke ser o resimê rayberanê Elewîyan estê tarîxê TBMM’yî de wayîrê xusûsîyetêkê ewilênî yê.
