Xeylêk şaristanan de seba ke qedexeyê vera PKKyî bêro wedaritene û PKK 'lîsteya terorî' ra bêro vetene çalakîyî ameyî kerdene.

Şaristanê Lefkoşa yê Kibrisî de verê Wezîrîya Karanê Zereyî de çalakîye ameye kerdene. Xeylêk temsîlkarê partîyanê sîyasîyan û rêxistinan tewrê çalakîye bîyî. Çalakîye de posterê Rayberê Şarê Kurdî Abdullah Ocalanî ameyî akerdene û sloganê sey "Bijî PKK", "Bijî Serok APO", "Tirkiyeya faşîst, hevkar Elmanya", "Bê Serok Jiyan Nabe", "PKK gel e, gel li vir e” ameyî vatene. Çalakîye de venga hukmatê Almanya dîya ke wa qedexeyê vera PKKyî wedarno.

Şaristanê Stockholmî yê Swêdî de verê Sersefîrîya Tirkîya de çalakîye ameye kerdene. Çalakîye de ame parekerdene ke Almanya bi qedexekerdişê PKKyî kurdan krîmînalîze kena.

Paytextê Îngilîstanî London de verê Sersefîrîya Almanya de çalakîye ameye kerdene. Xeylêk kesî tewrê çalakîye bîyî. Çalakîye de ame îfadekerdene ke PKK rêxistina terorî nîyo û rêxistinêk a ke seba azadîya kurdan û şaranê bindestan têkoşîn keno. Çalakîye de polîsan wexto ke agahîyê nasnameyanê çalakîkeran girewtêne çalakîkeran polîsî protesto kerdî. Çalakîkeran dormeyê sersefîrîye de deyîrê serê PKKyî vatî û govende girewte.