Qelqelî de îhale bi neheqî dîyaye fîrmayêka AKPyî
Qeyûmo ke dest nayo Şaredarîya Qelqelî ser, îhaleyêke bê îlankerdişî daye fîrmayêka AKPyî û fîrma do na îhale ra bi hawayêkê neheqî 2 mîlyon û 895 hezar lîra qezenç bikera.
Şaredarîya Qelqelî ya Wanî ya ke qeyûmî dest nayo ser, 23ê gulane de îhaleya viraştişê bînaya lokantaya prefabrîke kerde. Goreyê qanûnan ganî tewr tay 3 fîrmayî tewrê îhale bibîyêne. La bê îlankerdişî îhale ameye kerdene û teyna fîrmayêka AKPyî tewra îhale bîye.
Karê viraştişê bîna do hîrê rojan dewam bikero la fîrma nê karî ra do 2 mîlyon û 895 hezar qezenç bikera. Nameya fîrma Çelîkyay Tûrîzm Înşaat Nakliyat Sanayî ve Tîcaret LTD ya û fîrma aîda terefgîranê AKPyî ya.
