Rojnameger Serdar Karakoç 23yê gulane de bi waştişê Almanya  çarçewaya madeyê 129byî Holanda de amebi tepiştene û . 14ê hezîrane de bi kefaletê qasê panc hezar euroyî amebi veradayene. Karakoço ke hewte de rayêke îmza erzeno pasaportê ci zî amebi destsernayene.

Roniştişê mehkemeya Karakoçî ewro Edlîyeya Amsterdamî de ame kerdene. Verê roniştişî bi vengdayîşê Înîsîyatîfê Serdar Karakiçî rê Azadîye  welatanê cîya cîyayan ê Ewropa ra bi desan rojnamegerî, nuştox û sîyasetmedarî ameyî verê banê edlîye. Heyetê mehkeme vat zere de ca çîn û  coka tay kesî girewtî zere .

Heyetê mehkeme vist vîrî ke aktîvîteyê ke biyî sebebê dewa Almanya de bîyî coka ê nêeşkenê bi hukmê Hollanda bîgêrê dest û vat ê têna do qerarê waştişê îadeyî yê Almanya bîgêrê dest.

Avûkatanê Serdar Karakiçî bale ante tekîlîya mabênê dewleta tirke û Almanya ser û vat dewaya vera Karakoçî bi waştişê Tirkîya ameye akerdene û waşt wa Serdar Karakoç îadeyê Almanya mebo. Serdar Karakoçî zî qiseykerdişê xo de ard ziwan ke rojnamegero û eleqeya ci bi karanê terorî çîna .

Heyetê mehkeme qerarê dewamê şartanê kontrolê edlîyî girewt û vat ê do qerarê îadekerdişê Almanya 7ê tebaxe de saete 12: 5 de bidê.