Şaredarîya Şaristanê Pîlî ya Wanî ke ameye destsernayene û herinda hemşaredarê HDP'yî de îdarekarêkê dewlete  sey qeyûm ame cakerdene, nêeşkena meaşan bide.

Qeyûm serra 2016 de ame tayînkerdene, mabênê di serran de Şaredarîya Şaristanê Pîlî ya Wanî ke deyndar nêbî, 1.5 mîlyar TL'î deynê ci vejîya. Şaredarîye dimayê weçînayîşanê 31'ê Adare xizmetê merkezê Wanî û pêro qeza û dewan kerd . Şaredarîya Şaristanê  Pîlî ya Wanî hem dest pê xizmetî kerd hem zî deynê qeyûmî dayî

Kasaya Şaredarî ya Wanî wextêko kilm de ameye vengkerdene. Qeyûm nêeşkeno meaşanê karkeran ê şaredarîye bide. Karkeranê ke Şaredarîye Şaristanê  Pîlî ya Wanî de xebitîyenê, da zanayene  ke serekanê daîreyan karkeran reyde qisey kerd û vat; "Şima tîya bixebitî yan zî mexebitî ma nêeşkenê meaş bidê şima. Kasaya şaredarîye de pere çin o. Eke şima wazenê, bêpere tîya bixebitê. Eke şima nêwazenê zî şorê keye."

Xirba ke qeyûman xo pey de verdaye, dimayê HDP'yî weçînayîşanê herêmî de ser kewt eşkera bibi. Qeyûmê Amedî Cûmalî Atîlla şîrketa şaredarîye rê 8 mîlyon û 766 hezar TL deyndar kerd.Eşkera bibi ke 3 menganê destpêk ê serra 2019 de bi 255 hezar TL werd werdibi.