Dewleta tirke reya verêne 1ê kanûna 2007î de droneyo çekdar ê Amerîka Herêmanê Pawitişî yê Medya ser o perrna û dima Xakurkê da bombayan ver. Artêşa tirke ya îşxalkere 2012 ra nata  granîye daye teknîkê droneyî. Dewleta tirke bi droneyanê çekdaran hêrişê çar parçeyanê Kurdîstanî kena. Bi nê droneyan heta nika xeylêk kesî ameyî qetilkerdene.

Ma nê nuşteyî de bala xo danê bîlançoya qirkerdişanê dewleta tirke yê bi droneyanê çekdaran ser.

28ê Kanûna 2011î: Roboskî de 34 kurdî ameyî qetilkerdene.

Mabênê serranê 2015-2016î de xoverdayîşê xoîdarekerdişî yê Vakurê Kurdîstanî de vera şarê kurdî droneyê çekdarî şuxilîyayî.

2017

31ê Tebaxe: Herêma Karîneşî ya dewa Ogulî ya Colemêrgî de sivîlî dîyayî bombayan ver. Mehmet Temelî ca de dinyaya xo bedilnaye, Îbrahîm Sak, Îsmaîl Aydin û Mûsa Tarhan birîndar bîyî.

3yê Êlule: Dewa Baglanî ya qezaya Licê ya Amedî de hîrê sivîlî dîyayî bombayan ver û birîndar bîyî.

2018

20ê Çeleyî-18ê Adare: Hêrişê Efrînî de goreyê doneyan 500 sivîlî ameyî qetilkerdene, 1030 sivîlî birîndar bîyî û 820 şerwanî şehîd bîyî.

13ê Kanûne: Droneyanê çekdaran hêrişê Kampa Mexmûrî kerd û 4 cinîyê bi nameyê Asya Elî Mihemed, Narinç Ferhan Qasim, Evîn Kawa Mehmûd û Eylem Mihemed Emer qetil kerdî.

2019

Teşrîna Verêne: Îşxalê vera Girê Sipî û Serêkanîyê de xeylêk sivîlî bi droneyanê çekdaran ameyî qetilkerdene.

4ê Teşrîna Peyêne: Bajarekê Xanesorî yê Şingalî de 3 şerwanê YBŞ-YJŞyî hêriş de birîndar bîyî.

19ê Teşrîna Peyêne: Bajarekê Xanesorî yê Şingalî de hêrişê droneyanê çekdaran de 5 şerwanê YBŞyî birîndar bîyî, dima nînan ra yew şehîd bi.

4ê Kanûne: Xanesor de hêriş de şerwanê YBŞyî Egîd Şengalî şehîd bi.

2020

25ê Hezîrane: Qezaya Şarbajarî ya Silêmanî de 2 sivîlî şehîd bîyî, 8 sivîlî birîndar bîyî.

23yê Hezîrane: Dewa Helîncê ya Kobanê de hêrişê vera keyeyêkî de Zehra Berkel, Hebûn Mele Xelîl û Emîne Weysî şehîd bîyî.

15ê Nîsane: Kampa Mexmûrî de 3 cinîyê bi nameyê Havva Emer Hisên, Azîme Tahir Ferman û Eyşê Ehmed Ferhan hêriş de şehîd bîyî.

15ê Çeleyî: Dewa Dugirî ya Şingalî de hêriş de şerwanê YBŞyî Zerdeşt Şengalî û Pîr Hemîd, Êzidîn Şengalî û Çîlo şehîd bîyî.

8ê Teşrîna Peyêne: Dewa Xelefî ya Şingalî de şerwanê YBŞyî Heval Azad şehîd bi.

25ê Teşrîna Peyêne: Başûr de warê seyranî Kuna Masî dîyaye bombayan ver û hêriş de Peyman Talib, Heywan Kawa û domanê înan ê 7-5 serrî birîndar bîyî.

26ê Tebaxe: Xanesor de hêrişê vera wesayîtêkî de 2 sivîlî şehîd bîyî.

12ê Çeleyî: Hêrişê vera dewa Dugirî ya Tirbesipîyê yê Rojawanê Kurdîstanî de 5 sivîlî birîndar bîyî.

20ê Teşrîna Verêne: Dewa Merzê ya Dêrikî de 2 kesî ameyî qetilkerdene.

2021

16ê Tebaxe: Şingal de hêrişê vera heyetê dîplomatîkî yê êzidîyan de 3 kesî ameyî qetilkerdene ke şîyêne pêvînayîşê bi Serekwezîrê Iraqî. Nînan ra yew serkêşanê Şingalî ra Seîd Hesen bi.

7ê Kanûne: Xanesorê Şingalî de hêrişê vera wesayîtêkî de Hemserekê Heyetê Îdareyê Xoserî Merwan Bedel şehîd bi, di domanê ci birîndar bîyî.

30ê Hezîrane: Kampa Serdeştî ya Şingalî dîyaye bombayan ver.

17ê Tebaxe: Nêweşxaneyê Sikênîyê yê Şingalî dîya bombayan ver û 8 kesî ameyî qetilkerdene.

22yê Çeleyî: Dewa Memîtî ya Kobanê dîyaye bombayan ver û Fehîd Elî Şihadê şehîd bi.

11ê Temmuze: Hêrişê vera Til Rifetî de Welîd Ereb o 5 serre, Nîhad Mihemed Elî, Hêvîn Reşîd û Sûzan Mamo birîndar bîyî.

19ê Tebaxe: Bajarekê Zirganî yê Til Temirî de çar endamê Meclîsê Leşkerîye ameyî qetilkerdene.

20ê Teşrîna Verêne: Kobanê de hêrişê vera wesayîtêkî de 2 kesî ameyî qetilkerdene û 3 kesî birîndar bîyî.

23yê Teşrîna Verêne: Rayîrê Kobanê-Helebî de hêrişê vera wesayîtêkî de 3 kesî ameyî qetilkerdene.

9ê Teşrîna Peyêne: Taxa Hilêlîye ya Qamişloyî de hêrişê vera wesayîtî de Yûsûf Gulo, Mazlûm Mûstafa Gulo û Mihemed Mehmûd Gulo ameyî qetilkerdene.

25ê Kanûne: Hêrişê vera keyeyêkê Kobanê de 5 kesî ameyî qetilkerdene, çar kesî zî birîndar bîyî.

2022

20ê Temmuze de bajarekê Zaxoyî yê Başûrê Kurdîstanî de hêrişê dewleta tirke de 3ê ci domanî 9 kesî ameyî qetilkerdene.

2yê Tebaxe: Til Rifet de domana 17 serre ameye qetilkerdene.

16ê Tebaxe: Taxa Sînaa ya Qamişloyî de domanî Ehmed Elî Hisên û Aheng Ekrem Hisên û dewa Zorava ya Kobanê de domano 12 serre Ebid Muhammed ameyî qetiilkerdene.

18ê Tebaxe: Dewa Şemoka ya Hesekê de merkezê perwerdeyî yê Neteweyanê Yewbîyayeyan dîya bombayan ver û domanî Raniya Eta, Zozan Zêdan, Dîlan Izedîn û Diyane Elo ameyî qetilkerdene.

Ancî menga tebaxe ya 2022yî de hêrişanê bi droneyanê çekdaran de Rojawan de bi desan domanî birîndar bîyî.

3yê Sibate: Dewa Xerzê ya Dirbêsîyê de wesayîtêk dîya bombayan ver û 2 kesî birîndar bîyî.

9ê Sibate: Amûdê de hêrişêk de Mihemed Elî Kelah (11) ame qetilkerdene, 3 kesî zî birîndar bîyî.

12ê Sibate: Dirbêsîyê de hêrişê vera firinêkî de kesêk birîndar bi.

2yê Nîsane: Hêrişê vera dewa Hasûdê ya Tirbesipîyê de kesêk ame qetilkerdene, hunermend Ferhad Merdê û 2 kesî birîndar bîyî.

3yê Nîsane: Wesayîtê Endamê Fermandarîya Meclîsê Leşkerîye ya Sûryanîyan Orm Marukî dîya bombayan ver û 2 kesî birîndar bîyî.

4ê Nîsane: Zirgan de hêrişê vera merkezê Hêzanê Asayîşê Zereyî de 3 kesî birîndar bîyî.

9ê Nîsane: Dirbêsîyê de Endamê Asayîşî Mihemed Aydin ame qetilkerdene.

20ê Nîsane: Kobanê de hêrişê vera wesayîtêkî de 3 kesî ameyî qetilkerdene.

11ê Gulane: Kobanê de di hêriş de Ekrem ustek (50) ame qetilkerdene.

2023

20ê Hezîrane: Hemsereka Kantonê Qamişloyî Yusra Derwêş, hetkara ci Leymane Şiwêş û ramitoxê wesayîtî Firat Tuma hêrişê dewleta tirke de ameyî qetilkerdene.

Tabaxe: Hêrişê serê rayîrê Qamişlo-Amûdê de rojnameger Necmeddîn Feysel ame qetilkerdene, rojnamegerêk zî birîndar bi.

9ê Tebaxe: Qezaya Dûkanî ya Silêmanî de hêrişê vera wesayîtêkî de 2 kesî birîndar bîyî û kesêk şehîd bi.

24ê Tebaxe: Hêrişê vera Dewa Saliawa ya Silêmanî de 4 kesî ameyî qetilkerdene.

27ê Êlule: Dewa Bokristanî ya Binarê Qendîlî dîyaye bombayan ver û Estî Muhammeda 60 serre ameye qetilkerdene.