Qirkerdişê Parisî: Kiştoxan ra do hesab bêro persayene

Bi wesîleya serrgêra Qirkerdişê Parisî xeylêk welatanê Ewropa de çalakîyê protestokerdişî ameyî kerdene. Çalakîyan de Sara, Rojbîne û Ronahî ameyî vîrardene û mesajê pîlkerdişê têkoşînî ameyî dayene.

ANF
MERKEZÊ XEBERAN
09/01/2022, 00:04

Ronayoxanê PKKyî ra Sakîne Cansiz (Sara), Temsîlkara KNKyî ya Parisî Fîdane Dogan (Rojbîne) û Endama Têgêrayîşê Ciwanan ê Kurdan Leyla Şaylemez (Ronahî) 9ê çeleyê 2013î de paytextê Fransa Paris de ameybî qetilkerdene. Bi wesîleya serrgêra qirkerdişişî ewro kurdî û dostê înan Paris de vejîyayî kuçeyan.

Xeylêk bajaranê Almanya, Fransa, Swîsre, Hollanda, Norveç, Sewêd û welatanê bînan ê Ewropa de kurdî û dostê înan vejîyayîşî kuçeyan hîrê cinîyê kurdî yê şorişgêrî Sara, Rojbîne û Ronahî ameyî yadkerdene û semedê eşkerakerdiş û cezakerdişê kiştoxan ê ke bewlîyê, ame vengadayene. Çalakîyan de Fransa sey hemkara sûcê Tirkîya ameye hesibnayene û semedê roşnkerdişê qirkerdişî ame vengdayene. Qiseykerdişan de mesajê pîlkerdişê têkoşînî ameyî dayene û ame vatene ke do tewr peynî kiştoxan ra hesab bêro persayene.

Çalakîyan de hîrê cinîyê şorişgêrî Sevê Demîr, Fatma Uyar û Pakîze Nayir ê ke 4ê çeleyê 2016î de qezaya Silopî ya Şirnexî de ameyî qetilkerdene ê zî ameyî yadkerdene û sozê domnayîşê têkoşînê înan ame dayene.

Dusseldorf