Merkezê Çapemenîye yê QSDyî derheqê hêrişanê dewleta tirke û çeteyanê ci yê roja çarşemeyî de  eşkerayîye daye û vat îşxalkeran hêrişê xo zêdînayî.

Eşkerayîye de nê ameyî vatene: ''Dewleta tirke ya îşxalkere û çeteyanê ci vizêr (çarşeme) hêrişê xo yê wehşîyî yê vera herêmanê Rojawanî zêdînayî. Teyarayanê şerî yê dewleta tirke ya îşxalkere dormeyê Awbendê Tişrînî û xoverdayoxê Awbendê Tişrînî dayî dombayan ver. Eynî wextî de dewê dormeyê awbendî bi obusanê giranan dayî bombayan ver. Netîceya bombardumanan de xesaro madî ame meydan. Şervananê ma vera hêrişanê dewleta tirke ya îşxalkere dormeyê awbendî de di droneyî  dayî war.

Verê Pirdê Qereqozaxî de teyarayanê şerî dewleta tirke hêrişê dewanê Tina, Xeseq û Girê Sêvê kerd. Netîceya bombardumanan de xesaro madî ame meydan. Îşxalkeran û çeteyanê ci dewê Tina, Cade, Bir Hiso, Dikan, Sina û qilê Sêvê û Qereqozaxî bi obusanê giranan, tanq, roket û topanê havanan dayî bombayan ver. Nê cayan de 10î ra zafêr mergî ginayî war, keyeyanê sîvîlan de xesaro gird ame meydan.

Teyarayanê şerî yê dewleta tirke ya îşxalkere vizêr saetanê veraşanî de dewa Ehmed Munirî ya bajarekê Şiyûxî yê Kobanê daye bombayan ver. Hêriş xesaro madî ame meydan.

Herêma Dêr Hafirî de zî droneyî gêrayî droneyêkî ceht kerdêne ke hêrişê mewzîyanê hêzanê ma bikero hetê şervananê ma ra ame wardayene.''