Menga 59. ya Qirkerdişê 10ê Teşrîna Verêne yê Anqara de qurbanî Meydanê Garî de ameyî yadkerdene. Merasîm de fotografê 103 qurbanan ameyî berzkerdene.

Sereka Komeleya Haştî û Paştdayîşî ya 10ê Teşrîna Verêne (10 Ekim Der) Mehtape Sakinci Coşgun vat ganî seba qurbanan peykerêk bêro kerdene. Coşgune vist vîrî ke dewaya qirkerdişî ya 21ê êlule de ê do roniştiş de amade bibê.

Coşgune vat: ''Merdimê ke ameyî qetilkerdene, pîl nêbîyî, babîyê domananê ma şîyî, dadîyê domananê ma şîyî. Hêrsê ma dewam keno û do nêqedo. Serra 5. de ma bi hêrsê xo bi waştişê azadîye bêrê tîya.''