Komeleyê Elewîyan ê Demokratîkî (DAD), Cemxaneyê Ana Fatma, Komeleya Kulturî ya Pîr Sultan Abdalî (PSAKD), HDP zî tede 43 dezgehan qezaya Mamakî ya Anqara de qurbanê Qirkerdişê Madimakî yad kerdî. 

Girseyî bi sloganan rayraşîyayîşêk kerd û pankartî akerdî. Wextê rayraşîyayîşî de polîsan mudaxeleyê pankartanê bi kurdkî yê 'Dersa dînî ya mecbûrîye wedarnê' kerd.

Sereka PSAKDyî ya Mamakî Fatîme Turkyildiz merasîm de qisey kerd û îfade kerd ke qirkerî bêceza vera dîyayî û êyê ke fîrar ê zî hê pabeyê wextvîyartişê dewa yê. Fatîme vat: ''Êyê ke dormeyê Otêla Madimakî de bîyê, kadroyê dewlete de bîyê wayîrê karî û wekîl. Dewlete ganî bi cezakerdişî nê qirkerdişî de têrî biba. Ganî Otêla Madimakî biba Otêla Şerme.''

Sekretera PSAKDyî Rûkiye Ercan Kara vat: ''Şima kiştoxî dekerdî Meclîsî la do hesabê ney bidê.''

Dima hunermend Mûrat Yilmaz, Dogan Çelîk û Yoldaşça Turkulerî şiwarê elewîyan vatî.