Zîndanê Tekîrdagî de tepişte Gokhan Yildirim 238 rojî yo bi waştişê 'muhakemekerdişê edîlî' rojeyê mergî de yo. Heyetê Weşîye yê Nêweşxaneyê Tekîrdagî raporê 'eşkeno zîndan de bimano' da Yildirimî.

Buroyê Huqûqî yê Şarî ra Avûkate Seda Saraldi derheqê babete de verê nêweşxaneyî de eşkerayîye daye û vat: ''Nê heyetî verê cû pêşnîyaz kerd ke înfazê Yildirimî bêro taloqkerdene û vat ke o nêeşkeno zîndan de bimano. La nika heman heyetî raporê 'eşkeno zînda  de bimano' dano û vano o bierşawîyo Tîpê Ryî. No kerdişê înan tersî ra yo.''

Seda Saraldi da zanayene ke zîndanê tîpê Ryî tepişteyanê nêweşan rê bîyê cayê mergî û vat: ''No kay seba ke Gokhan vera nêdîyo yeno kaykerdene. La Gokhan ganî cade bêro veradayene.''