Rayraşîyayîşê Azadîye yo Pîl ewro qezayanê Sêwrege û Curnê Reşî ra dima resa merkezê Riha. Xeylêk kesan raywanî pêşwazî kerdî.

Hemserekê Pêroyî yê DBPyî Keskîn Bayindirî nameyê beşdaran ser o qisey kerd û pare kerd ke Îbrahîmê pêxemberî bi serran Kurdîstan de  vera fîravunan têkoşîn kerd. Bayindirî vat: ''Ewro Birêz Abdullah Ocalan zî Îbrahîmîyan paweno. No rayraşîyayîş seba ey dîya destpêkerdene. Şarê ma ewro zî verê Fîrawun û Nemrûdan de sereyê xo nêano war. Ma do siba biresê Amara û nê xoverdayîşî pîlêr bikerê.''

Girseyî dima heta bînaya DEM Partî rayraşîyayîş kerd.

Verê bînaya DEM Partî de eşkerayîye ameye dayene. Hemvervatoxê HDKyî û Wekîlê DEM Partî Cengîz Çîçekî eşkerayîye de qisey kerd û da zanayene ke 14 rojî yo ê rayraşîyayîşê xo rixmê astengî û zehmetîyan kenê û qetî tewirê xo ra tawîz nêdanê. 

Eşkerayîye bi sloganan qedîyaye.

Raywanê Azadîye siba do ver bi Amara şorê.