Rayraşîyayîşê Azadîye yo Pîl Amedî ra resa Sêwrege. 

Raywanan hêverî gorê Îbrahîm Ayhan zîyaret kerd ke 2018 de Başûr de netîceya krîzê qelbî de wefat kerdbi. Dima zî gorê Mahmut Zengîn ame zîyaretkerdene ke zîndanê Amedî de bedenê xo dabi adirî ver.

Wekîlê DEM Partî Sezaî Temellîyî yadkerdiş de qisey kerd û îfade kerd ke êyê ke tecrîd û înkarî welatî rê ferz kenê bîyê sebebê mergê Zengînî. 

Girse serê gorê Zengînî de bi sloganê ''Şehîd Namirin'' hetê şarî ra ame pêşwazîkerdene.

Wekîla DEM Partî Salîha Aydenîz zî qisey kerd û vat: ''Çaran vatbi 'Adirî hewne mekerê, gur bikerê.' 42 serran de no adir gur bi û hînî çew nêeşkeno verê azadîya kurdan bigêro. Azadîya şarê kurdî astêka winayêne de ya ke nêeşkena asteng biba. Wa her kes bizano ke no adir do bireso azadîye.''

Dima beşdaran goran ser o qeranfîlî nayî ro.