Rayraşîyayîşo Derg ê enternasyonalîstan o ke semedê şermezarkerdişê Komployê Mîyanneteweyî yê vera Rayberê Şarê Kurdî Abdullah Ocalanî bajarê Frankfurtî yê Almayan ra  ver bi bajarê Saarbuckenî yeno kerdene, rixmê astengkerdişê polîsan dewam keno.

Enternasyonalîstan Bensheim de eşkerayîya çapemenîye kerde. Eşkerayîye de hêrişa vera çalakîya Fransa ameyî  şermezarkerdene. Enternasyonalîstan vat şexsê çalakwananê rayraşîyayîşî de hêriş vera şarê kurdî yeno kerdne û  tewirê polîsanê Fransa zî şermezar kerd. Enternasyonalîstan ard ziwan ke vera hêrişan ê tim kişta şarê kurdî de yê.

Çalakwanî serê sibayî reyna ameyî têhet û ver bi Mannheimî kewtî rayîr. Polîsanê almanê mudaxaleyê çalakwanan kerd. Çalakwanî wextê bi helîkopterî ameyî teqîpkerdene. Di enternasyonalîstî yê amerîkayij û taylandiji bi îdîaya polîsan rê nêngî çînayî ameyî destbendkerdene. Wird enternasyonalîstan rê zî tewrbîyayîşê çalakîye ame qedexekerdene û semedê serbest veradayîşî ame waştene ke wa cezaya 1500 euro bêro dayene. Avûkatî vera qerarî vejîyayî. Polîsan çalakwanî xeylêk wext binê şilî de verdayî. Badê cehdkerdişê polîsan rayraşîyayîşî dewam kerd. Rayraşîyayîş do roja çarşeme bajarê Mannheimî ra ver bi Ludwigshafen-Bad-Dürkheimî bêro kerdene.