Bi wesîleya serrgêra 23. ya Komployê Mîyanneteweyî yê vera Rayberê Şarê Kurdî Abdullah Ocalanî bajarê Sierentzî yê Fransa ra ver bi Strasbourgî Rayraşîyayîşo Dergo yeno kerdene.

Çalakîya Rayraşîyîşê Dergî ewro bajarê Colmarî de saete 11.00 de dîyaye destpêkerdene. Ciwanî di rojî rixmê provokasyonanê polîsan xover da û çalakîya xo da domnayene. Şarê Fransa zaf eleqa mojna çalakwanan. Çarçewaya kampanyaya vera qedexeyê PKKyî de çalakîye de îmzayî zî yenê arêdayene. Reyna semedê azadîya Rayberê Şarê Kurdî Abdullah Ocalanî vilawekî yenê vilakerdene. Rayraşîyayîşo ke Swîsre, Almanya, Fransa û xeylêk welatanê Ewropa yê bînan ra gencî tewrê ci benê her roje tewrbîyayîşê ci zafêr beno. Ciwanî ewro do 16 kîlmetre rayra şirê. Çalakîya Rayraşîyayîşê Dergî roja hîrêyine de do bajarê Colmarî ra heta bajarê Ostheimî dewam bikero.