Bi wesîleya serrgêra 23. ya Komployê Mîyanneteweyî yê vera Rayberê Şarê Kurdî Abdullah Ocalanî bajarê Sierentzî yê Fransa de hetê Cinîyan ê Ciwanan ê Têkoşeran (TekoJIN) û Têgêrayîşê Ciwanan ê Şorişgêran (TCŞ) ra Rayraşîyayîşo Dergo dîya destpêkerdene. Çalakwanî vizêr bajarê Mulhouse ra heta bajarê Colmarî rayra şîyî.

Rêxistinê ciwananê şorişgêran ê Eworpa zî tewrê çalakîye bîyî. Rayraşîyayîşo ke 120 aktîvîstê TCŞ û TekoJIN tede ca genê raştê provokasyonanê faşîstan ame la ciwanan destûrê înan nêda. Polîsanê Fransa waşt mudaxaleyê ciwanan bikerê, cimanan bi têkoşînî cewab da, rayîr trafîkî rê girewt. Ciwanan rixmê heme astengkerdişan rayraşîyayîşê xo rê dewam kerd û resayî bajarê Colmarî. Her bajaro ke çalakwanî tede arisyayî ciwanî tewrê înan bîyî. Ciwanan vat ê do çiren Komployê Mîyannetewî qebul nêkerê û Wayrîê Hemleya “Werin Cenga Azadiyê” vejîye û rayberîya xo biresnê azadîya ci.  Rayraşîyayîşê ciwanan do 12ê sibate de Strasbourg de bi mîtîngêkî biqedîyo.