Serrgêra Komployê Mîyanneteweyîyî yê 15ê Sibate de hetê enternasyonalîstan a çarçewaya hemleya ''Abdullah Ocalanî rê azadîye meseleya kurdan rê çareserîya sîyasîye'' de Baselî ra ver bi Strasbourgî rayraşîyayîşo derg dîya destpêkerdene.

Xeylêk welatanê cîya cîyayan ra nizdê 200 enternasyonalîstî bajarê Baselî yê Swêdî ra ver bi bajarê Strasbourgî yê Fransa bi waştişê azadîya fîzîkîye ya Rayberê Şarê Kurdî Abdullah Ocalanî rayraşîyayîşo derg kenê.

Rayraşîyayîş bi mîtîngêkî dest pêkerd. Hemsereka KCDK-E Zubeyde Zumrut ard ziwan ke şarê dinya semedê azadîya Rayber Apoyî wirîştî payan ser û vat ê do heta caardişê Azadîya Rayber Apoyî tim meydanan de bê.

Bi nameyê enternasyonalîstan Lorî Kollonfai zî vat êyê ke vanê yewna dinya mumkun a, zanê ke xelisyayîş paradîgmaya Rayber Apoyî ya.

Badê qiseykerdişan rayraşîyayîşî dest pêkerd. Rayraşîyayîş ewro do Merkezê Komelê Demokratîkî yê Kurdan ê Baselî de biqedîyo.

Guzergahê rayraşîyayîşê enternasyonalîstan wina yo:

12ê sibate de Saint Louisî ra ver bi Sierenzî

13ê sibate de Mulhouse ra ver bi Wittenheimî

14ê sibate de Colmarî ra ver bi Selestatî

15ê sibate de merkezê Strasbourgî

Enternasyonalîstî 16 sibate de Strasbourg de bi konferansêk do çalakîya xo biqedînê û 17ê sibate de do tewrê rayraşîyayîşê pîlî yê Kolnî bibê.