Rayraşîyayîşê Demokrasîyî yo ke vera xespkerdiş Şaredarîya Colemêrgî dîya destpêkerdene roja verêne xo dima verdaye.

Colemêrg de vera destsernayîşê şaredarîye DEM Partî 13ê hezîrene de do bi şîarê ''Şaredarîyî yê ma yê, ma destûrê  destsernayîşî nêdanê'' mîtîng bêro kerdene. Verê mîtîngî qezaya Şemzînan de vizêr serkêşîya KCD, HDK, DEM, TJA, DBP, Îtîfaqê Kede û Azadîye û Rêxistinanê Komelê Sîvîlî de Rayraşîyayîşê Demokrasîyî dîya destpêkerdene. 

Rayraşîyayîşê Demokrasîyî yo ke vera destsernayîşê  Şaredarîya Colemêrgî dîya destpêkerdene roja verêne xo dima verdaye. Çalakwanî bi onluganê “Em rê nadin Qeyûman”  dewe bi dewe gêrayî. Çalakwanan rayîr de qalê destsernayîşê şaredarîye kerd û semedê tewrbîyayîşê mîtîngî veng da. Şarî zî vera destsernayîşî mesajê xoverdayîşî dayî. Dima ra çalakwanî bi konvoyî ravîyartî dewanê Geverî. Tîya de zî derheqê mîtîngê Colemêrgî de zanayîş ame dayene. Qiseykerdişan de ame vatene ke no têkoşînê wayîrvejîyayîşê îradeyî yo, têkoşînê azadîye û demokrasîyî yo û ame vengdayene ke wa 13ê hezîrane de şar vera xespkerdişê îradeyî tewrê mîtîngî bibo û têkoşînî xurtêr bikero.

Rayraşîyayîşê Demokrasîyî ewro do saete 11.00 de Gever de bi eşkerayîyêke bêro dewamkerdene. Badê zîyaretkerdişê dewanê Geverî çalakwanî do şirê Çelê.