Merkezê Cimatê Demokratîkî yê Kurdî (NAV-DEM) bi wesîleya serrgêra 20'ine ya komploya mîyanneteweyîye eşkerayîyêka nuştekîye weşanaye.

NAV-DEM'î dewlete û hêzê sîyasîyî yê ke komploye de ca girewto şermezar kerdî û va:’’ Komplo şexsê Rayberê Şarê Kurdî Abdullah Ocalanî de seba tasfiyekerdişê têgêrayîşê Azadî yê şarê Kurdî ameye kerdene. Dewlete û hêzê sîyasîyî yê ke tewrê komloye bîyê vera merdimîye de sucdar ê. Nê hêzî vera têkoşînê azadîye yê şarê Kurdî do bin bikewê û cayê xo mîyanê cimatê sucdaran de do bigê.”

NAV-DEM'î eşkerayî  de ard vîrî ke, şarê Kurdî û têgêrayîşê Azadî 20 serrî yo ke vera komloye têkoşînêko gird dayo û vat, “Şar her tim daraxo tewr berzî de wayîrê Rayberê xo vejîyayo û do bivejîyo. Rayberê Şarê Kurdî Abdullah Ocalan her tim bîyo wayîrê tarzêkê şorişgêrî yê serkewtî. Ganî ma zî serra 2019’î bi tarzê Rayberîye bikê serra serkewtişî. Ma vengdayîşê kenê,16'ê Sibate çalakîya ke Strasboûrgî de seba azadîya Rayberê Şarê Kurdî Abdullah Ocalanî do biba, 7’î ra heta 70 serrî her kes daraxo tewr berzî de beşdarê ci bibo.”