Rayraşîyayîşo Derg ke semedê azadîya Rayber Apoyî dîya destpêkerdene vizêr roja 16. de bajarê Creilî yê Fransa de dewam kerd. Çalakwanan semedê tewrbîyayîşê mîtîngê Strasbourgî veng da ke do 15ê sibate de bêro kerdene.
Rayraşîyayîşo Derg yê 26 rojan o ke çarçewaya hemleya ''Rayber Apoyî rê azadîye meseleya kurdan rê çareserîye'' de 21ê çeleyî de bajarê Lorientî yê Fransa de dîya destpêkerdene vizêr roja 16. de bajarê Creilî yê Fransa de dewam kerd.
Çalakwanan Şaredarê herêma Nogent-sur-Oise ya ke pabesteya bajarê Creilî ya, Jean-François Dardenne reyde pêvînayîş kerd û dima ra rayraşîyayîş da destpêkerdene. Şaredarîya Nogent-sur-Oise zî paşdî daye rayraşîyayîşî.
Rayraşîyayîş de sloganê sey “Bijî Serok APO”, “Bijî Berxwedana Rojava”, “Bijî Berxwedana QSD” ameyî vatene û vilawekî ameyî vilakerdene.
Çalakwanê ke badê rayraşîyayîşî verê Şaredarîya Creilî de ameyî têhet tîya eşkerayîye daye û semedê tewrbîyayîşê mîtîngê Strasbourgî veng da ke do 15ê sibate de bêro kerdene.
