Vera sîstemê tecrîd û îşkenceyî ke şexsê Rayberê Şarê Kurdî Abdullah Ocalanî de zîndananê Tirkîya de yeno caardene,  mabanê bajaranê Essen û Aachenî yê Almanya de do 11-16ê êlule de Rayraşîyayîşo Derg bêro kerdene.

Ciwanan semedê tewrbîyayîşî rayraşîyî yo ke do bi şîarê “Ji bo Azadiya Rêber Apo werin cenga azadiyê”  bêro kerdene, veng da. Ciwanî do 10ê êlule de Essen de bêrê têhet û roja bîne dest pê rayraşîyayîşî bikerê. Rayraşîyayîşê emserî do yew hetî ra bêro kerdene. Rayraşîyayîş do 6 rojî bêro domnayene. Komîteya Amadekarîye veng da ciwnanê kurdan û enternasyonalîstan ke wa bi ruhê seferberîye tewrê çalakîye bibê.

Guzergahê rayraşîyayîşî zî bewlî bi. Ciwanî do 10ê êlule d Essen de bêrê têhet, 11ê êlule de tîya ver bi Duisburg bikewê rayîrî. Dim ara zî bi rêzî Krefeld, Dusseldorf, Leverkusen û Koln Mulheim ravêrê û rayraşîyayîşê xo 16ê êlule de Aachen de biqêdinî.

Kam ke wazeno tewrê rayraşîyayîşî bibo eşkeno adrese E-Mailî yê [email protected] ra bireso Komîteya Amedekarîye.