Raywanê Azadîye Mêrdîn bi slogana ''Bijî Serok Apoyî''ameyî pêşwazîkerdene. Çalakîye de ya ke hetê şarî ra yena wayîrvejîyayene, mesajê ''Rayraşîyayîşê ma do tecrîdî bişikno'' ame dayene.
Rayraşîyayîşê Azadîye yo ke semedê azadîya Rayberê Şarê Kurdî Abdullah Ocalanî Wanî de dîya destpêkerdene badê Nisêbînî roja 9ine de resa Mêrdînî. Raywanê Azadîye bi slogananê "Bijî berxwedana zindanan" û Bijî Serok Apoyî ameyî pêşwazîkerdene.
Raywananê Azadîye dima ra verê xo da qezaya Artuklu û Mensurîye de bi coşî ameyî pêşwazîkerdene. Çalakwanî bi erbenayan govende ameyî selamkerdene. Mêrdînê kahanî de rayraşîyayîş ame kerdene û esnafî ameyî zîyaretkerdene. Wextê rayraşîyayîşî de sloganê sey "Bimre koletî, bijî azadî", "Jin, jiyan azadi", "Bijî berxwedana zindanan", "Bijî Serok Apo" bîyî berz. Rayraşîyayîşê pankartê "Li Dijî Tecridê Rabe" ame akerdene.
Badê rayraşîyayîşî verê banê DBPyî de eşkerayîye ameye dayene. Wekîla DEM Partî ya Dêrsimî Aytene Kordu nê vatî: Ma do tecrîdê serê Birêz Oclaanî bişiknê. Tecrîdê Îmraliyî vera heme şaran, cinîyan û kedkaran yeno rayraberdene. Ma tim wanê ke wa dîyalog û muzakereyî newera bêrê destpêkerdene û bêrê haştîye bêro akerdene.
Badê eşkerayîye de keyeyê ke Nobete Edalatî tepişene ameyî zîyaretkerdene.
