Seba azadîya Rayberê Şarê Kurdî Abdullah Ocalanî û çareserîya meseleya kurdan Rayraşîyayîşê Azadîye yo Pîl di baskan ra dewam keno.

Baska Wanî qezaya Serê Kanîye ya Riha de bi coşî ameye pêşwazîkerdene. Girseyî şarî reyde bi slogananê “Bîjî berxwedana zindanan”, “Bîjî berxwedana İmraliyê" heta bînaya DEM Partî rayraşîyayîş kerd. 

Tîya de Wekîla DEM Partî ya Amedî Ceylane Akça Cupolo qisey kerd û vat: ''Hînî ma seserra diyîne ya komara Tirkîya de yê û ma vanê 'Îradeyê haştîye Îmrali de yo. Ma amade yê.' Ma venga dewlete danê ke masa ancî awan bikera. Rayîrê ma rayîrê azadîye û yewîye yo. Rayîrê ra akerde yo.''

Namzedanê Hemşaredarîya Serê Kanîye Ugur Kahramanî û Rahşane Yazar îfade kerd ke ganî cade tecrîdê Îmraliyî wedarîyo. Namzedan pare kerd ke tecrîd pêro welatî ra vila bîyo û dûştê huqûqî yo. 

Dima girseyî govende girewte. Girse Serê Kanîye ra pey do verê xo bido Wêranşerî.