Rayraşîyayîşê Azadîye yê 25 rojan Parisî ra ver bi Strasbourgî dewam keno.

Rayraşîyayîşo ke seba azadîya Rayberê Şarê Kurdî Abdullah Ocalanî yeno kerdene vizêr roja vistine de resa Chaunyî. Rayraşîyayîş de seba tewrbîyayîşê rayraşîyayîşê Kolnî yê 17ê sibate veng dîya. Rayraşîyayîş de sloganê sey "PKK gel e, gel li vir e" û "Em PKK'î ne" ameyî vatene. 

Seba ke zafê raywanî cinîyî bîyî çalakîye de tim sloganê "Jin Jiyan Azadî" ameyî vatene.

Dima verê şaredarîya Chaunyî de raywanan ra Ferhat Aslanî qisey kerd û vat: ''Rayberê Şarê Kurdî 25 serrî yo Îmrali de yo û hîrê serrî yo tira xeberêke nêna girewtene. Ma bêvengîya Fransa ya vera tecrîdî û hêrişan qebul nêkenê. Şarê kurdî heta azadîye do xo ver bido.''

Rayraşîyayîş ewro do Soisson de dewam bikero.