Rennes û Berlin de tecrîdê vera Rayberê Şarê Kurdî Abdullah Ocalanî bi çalakîyanê cîya-cîyayan ame şermezarkerdene.

Hemsereka Konseya Rayberdişî ya KCKyî Besê Xozat pare kerd ke seba ke tecrîd wedarîyo înan ra tawîz ameyo waştene. Naye ser o şaristanê Rennesî yê Fransa de kurdîstanijan vera tecrîdî rayraşîyayîşêk kerd. Rayraşîyayîşê bi şîarê ''Rayber Apoyî rê Azadîye'' de ame vatene ke ê qebul nêkenê ke Rayberê Şarê Kurdî bibê babetêka bazadîye û heta azadîye Ocalanî kurdî do tim payan ser de bibê.

Paytextê Almanya Berlin de zî aktîvîstanê TCŞyî û ciwananê enternasyonalîstan verê bînaya ARDyî de çalakîya bêîteate ya sivîle kerde. Ciwanan tecrîd şermezar kerd û derheqê tecrîdî de dosyayêke teslîmê selahîyetdaranê ARDyî kerd. Dima ciwanan verê bînaya ARDyî de eşkerayîyêke daye.