Zîndananê Tirkîya de tewr tay 600 tepişteyê nêweşî est ê. Tepişteyê nêweşî nênê veradayene û nênê dermankerdene. Hukmatê AKP-MHPyî bi nê hawayî tepişteyan rê merg ferz keno.

Îbrahîm Alkano 67 serre 3 serrî yo Zîndanê Wanî de tepişîyeno û tede nêweşîyê sey qelb, tansîyon, dîyabet, kolestrol û prostatî est ê. Keyeyê Alkanî wazeno wa o vera bidîyo û nêweşxane de bêro dermankerdene.

Veyveya Alkanî Pinare Alkan ard ziwan ke Îbrahîm Alkan 9ê hezîrane de anjîyo bîyo, Nêweşxaneyê Cigêrayîş û Perwerdeyî yê Wanî de 3 rojan beşê lezabezî de mendo. Alkane îfade kerd ke rewşa vistewreyê ci beno xirabêr û vat: ''O nêeşkeno zîndan de bimano. Raporê nêweşxane û doktoran zî ney vanê. Zîndan de verdayîşê merdimêkê nêweşî sûc o. Êyê ke vistewreyê mi vera nêdanê, sûcê vera merdimîye kenê.

Tepişteyê nêweşî verê çiman de mirenê. Heyf ke rayaumûmîye vera ney bêveng a. Ma eşkenê bibê vengê tepişteyan. Ma wazenê wa tepişteyê nêweşî cade bêrê veradayene.''