Rêxistina Partîya Çepe ya Eyaletê Saksonyaya Cêrîne (Niedersachsen) ya Almanya vizêr Hannover de kongreya xo kerde. Pê pêşnîyazê sîyasetmedara kurde ya Partîya Çepe Behîye Uca kongre de seba Şingalî birêke dîyaye.

Hema hema pêro delegeyan raya 'heya' daye bire. Bire de ame waştene ke ganî têkoşînê êzidîyanê Şingalî rê paştî bêra dayene ke seba xoîdarekerdişî xo ver danê. 

Bire de venga hukmatê Iraqî û Îdareyê PDKyî ame dayene ke îradeyê şingalijan rê hûrmet bimojnê. Kongre de provakasyon û xîretê hêrişî yê dewleta tirke yê vera Şingalî zî ameyî şermezarkerdene.