Serdozgerîya Komare ya Riha seba ke 25ê nîsane de verê Edlîyeya Riha detewrê eşkerayîye bîyê 19ê ci avûkatî derheqê 33 kesan de tehqîqat ame akerd. 33 kesî pê 'qanûnê çalakî û kombîyayîşan rê verjîyayîşî' yenê sûcdarkerdene. 

25ê nîsane de Şubeyê Riha yê Komeleya Huqûqnasanê Seba Azadîye (OHD) seba ke avûkatî zî tede 190 kesî ameybî destbendkerdene bi eşkerayîye çalakîya protestoyî kerdbî.

Kesê ke derheqê înan de tehqîqat ameyo akerdene ney ê: Avûkatî Sumeyye Koç, Nahîde Polat Aslan, Muslum Saraçoglû, Mehmet Alî Aslan, Fazîlet Taştan, Ayşe Şehrîban Demîrel, Sevda Çelîk Ozbîngol, Gîzem Dîlara Înal Gulhan, Hîdayet Enmek, Alî Arslan, Mûstafa Gongen, Dîlan Demîr, Serhan Paydaş, Hemserekê ÎHDyî Riha û Avûkat Mûstafa Vefa, Hemserekê HDP’a Rihayê Ahmet Atiş, Hemserekê OHDyî Rihayê Meral Halat û Îbrahîm Halîl Oyke û 3 avûkatê ke nameyê înan nêzanîyenê, Ferît Şenyaşar, Garîp Yeşîl, Parlamenterê HDPyî yo verên Nûsretîn Maçîn, Hemserekê HDPyî yê Eyyûbîye Emîn Tutal û Îbrahîm Halîl Alpay, Endama Meclisa Şaredariya Bajarê Mezin Sema Aîşeoglû, Memduh Kizgît, Atîlla Yazar, Endamê MYK’a ÎHD’ê Cemal Babaoglû, Serokê Odeya Bijîşkan a Rihayê Bulut Ezer, Hemserekê Şaxa SESî Salih Karataş, Mehmet Sidki Dehşet û Salih Canbeylî.”

Reyna 7 kesê ke tewrê şayîyanê 1ê Gulane bîyê derheqê nînan de bi sûcdarîya 'şarî teşwîqê kîn û nefretî kenê û qij kenê' tehqîqat ame akerdene. 

Nameyê 7 kesan wina yê: Hemserekê HDPyî yê Riha Ahmet Atiş, Hemserekê OHDyî yê Riha Halîl Îbrahîm Oyke, avûkatî Bulent Aşa, Sevda Çelîk Ozbîngol, Hemserekê Egitim-Senî Mahmut Bînîcî, Hemserekê TTByî yê Riha Kemal Yuksekkaya û Endamê Meclîsê Ciwanan ê Partîya Çep a Keske Mahmut Çoban.