Sîyasetmedara kurde Aysele Tugluk nêweşîya demansî ra teşrîna verêne ya 2022yî de bi bira Mehkemeya Qanûnê Bingeyî (AYM) vera dîyabî. La dima derheqê Tugluke de bi sucdarîya 'endamîya rêxistine' reyna dewa ameye akerdene.

Roniştişê dewa 5ê gulane de Mehkemeya Cezaya Girane ya Amedî de ame kerdene. Tugluke nêweşîya xo ra tewra mehkeme nêbîye.

Avûkatê aye Serdar Çelebîyî roniştiş de vist vîrî ke înfazê cezaya muwekîla ci heta ke a weş biba ameyo taloqkerdene û waşt ke muhakemekerdiş wa vindero. La mehkeme bire daye ke Aysele Tugluk bi rayîrê SEGBÎSî mehkeme de xo bipawa.

Avûkatan Çelebî û Reyhane Yalçindag vera bira mehkeme îtîraz kerd û raporê ATKyî yê ''nêeşkena zîndan de bimana'' pêşkêşê mehkeme kerd.