PDK û Barzanîyan bi dîzaynê bedenê cinîyan û şiknayîşê refleksê înan Başûr de ''dewleta xanedanîye'' naya ro, mîyanê bi hezaran faîlanê meçhulan, remnayîş, tecawuz û qirkerdişanê cinîyan cagirewt.

Ma resayî nameyê nê tay cinîyan ê qurbanan. Nê serebûtan ra tayênî zî mehkemeyanê neteweyîyan de bîyî dewa.

Nîhat Barzanî

Sarya Mîrza Reşp 1980 de qezaya Mêrgesorî ya Hewlêrî de hetê Nîhat Barzanîyî ra ameye tecawuzkerdene ke Nîhat lajê Mele Mistefa Barzanîyî bi.  Sarya dima bi fermanê Nîhat Barzanîyî kişîyaye.

Mîna 1991 de hetê Nîhat Barzanîyî ra ameye tecawuzkerdene. Babîyê Mîna Qirkerdişê Enfalî de şehîd bibi. Nîhat Barzanîyî keyeyê Mîna bi qiseyê ''Eke şima hal nêkerê, ez şima rê Enfalêkî bikera'' tehdît kerd û keyeyî kênaya xo Mîna qetil kerde.

Çîgzî Bêrsîyavî 1990an de sey pawitoxêke şîye keyeyê Nîhat Barzanîyî. A tîya de raştê tecawuzî ameye û ameye qetilkerdene. Nîhat Barzanîyî seba ke sereyê serebûtî bigêro pêro keyeyê Çîgzîye zî qetil kerd.

Fayîde Mizurîya ke birarzîya pawitoxê nêzdî yê Mesûd Barzanîyî bîya, 2013 de hetê Nîhat Barzanîyî ra ameye remnayene û qetilkerdene. Keyeyê ci rê ame vatene ke Feyîdeya 17 serre xo kiştox. Apê aye Huseyîn Mizurî bi pereyî ame bêvengkerdene û rutbeya ci ameye berzkerdene.

Nîhat Barzanî karanê pîsan ê bînan zî kenı û bi mulkanê xo yê diznayeyan şinasîyeno.

Nêçirvan Barzanî

Hêlin Elwan Sawa: Sawaya 17 serre 1996 de hetê endamê Polîtburoyê PDKyî Îzzettîn Berwarîyî de dest pê xebata kerd. A tîya de bi desan reyî raştê tecawuzî ameye û cenazaya ci Awbendê Dihokî de dîyaye. Bi fermanê Mesud Barzanîyî nê serebûtî ser o komîsyonê cigêrayîşî ronîya. Dîya zanayene ke Sawa hetê Nêçîrvan Barzanîyî ra ameye tecawuzkerdene. Naye ser o serebût ame nimnayene. 

Mesrûr Barzanî

Cîhan Tahayo ke tim kerdişê PDKyî rexne kerdêne 26ê teşrîna verêne ya 2023yî de qezayêkÊ trafîkî yê şikdarî de merd. Taha qezayî ra verê cû hetê ekîba Mesrûr Barzanîyî ra amebi tehdîtkerdene. Mergê Tahayî Amerîka de dewa bi. Birayê Tahayî Şaxewan Tahayî zî vat: ''Mergê birayê mi cînayetêko sîyasî yo.''

Sîrwan Barzanî

Naz Silêman Yakuba ke avûkate bîya, 2016 de Hewlêr de ameye remnayene. Di rojan ra dima cenazaya ci ya vêşnaye dîyaye. Naze avûkata ê cinîyanê ke hetê PDKyî ra ameybî remnbayene û tacawuzkerdene bîye. PDKyî bi seyan reyî a tehdît kerdbî. Amebi tesbîtkerdene ke Naze mergê xo ra ver Sîrwan Barzanîyî de bi telefonî qisey kerdo.

Fazil Mîranî

Beyan Zeynelabidino 22 serre 1992 de wexto ke Zanîngehê Mûsilî de wendêne ame remnayene. Babîyê ey tim polîtîkayê PDKyî rexne kerdêne. Ekîba endamê Polîrburoyê PDKyî Fazil Mîranîyî Beyan qetil kerd û dima zî babîyê ey tepişt.

Nesrîne Heso Zebarîya 16 serrî raştê tecawuzê lajê Şêwirmendê Artêşa Herêma Kurdîstanî ameye. Ekîba Zebarîyî îdîa kerd ke Nesrîne raştê tecawuzê birayê xo ameya û wirdî zî kiştî. Dima ke raştîyî vejîyayî werte bi pereyî keyeyê Nesrîne bêveng kerd.

Kadîr Kaçak, Adil Botanî û Serbest Sîndorî

Keyeyê Nazike û Solîne nêwaştêne tewrê PDKyî bibê. Nazîka 16 serre 1996 de hetê Mesuldarê PDKyî yê Şingalî Kadîr Kaçak, Endamanê Polîtburoyê PDKyî Adil Botanî û Serbest Lezgîn Sîndorî ra ameye remnayene. Solîna 17 serre de 1995 de ameye remnayene û tecawuzkerdene. Cenazayê wird wayan bi hawayêkê rûtî ameyî dîyene. Keyeyê înan tedayan ra Başûr terikna.

Ekîba Kaçakî 1996 de Akrê de 14 cinîyan rê, Dihok de 17 cinîyan rê tecawuz kerd. Keyeyê nê cinîyan keyeyanê şehîdanê Enfalî ra bîyî. Nê cinîyan ra Fevzîye Îslam Rêkanîyê gerreyê Kaçakî kerd.

Kaçak 2014 de wextê hêrişanê DAÎŞî de bi 12 hezar pêşmergeyanê PDKyî rema û bi sebebê esareyê bi hezaran cinîyan ê êzidîyan.

Xesrew Gorsan

Sewre Reqib Esker Akreyî û mêrdeyê ci Ezîz Mihemed belgeyê sûc û dizdîyanê PDKyî vistî destî. PDKyî seba ke nê belgeyî eşkera nêbîyê cinî û camêrd qetil kerdî. Ekîba Serekê Komîsyonê Weçînayîşan ê PDKyî Xesrew Goranî nê cînayetî kerdî.

Parastin, Zêrevanî û Hêzê Taybetî...

Sakine Îzzet Şêxo 1991 de dewa Guherzê ya Amedîyê de hetê hêzanê taybetan ê PDKyî ra ameye tecawuzkerdene û qetilkerdene.

Nazdare Bamernêya ka doktore bîye, 1991 de Hewlêr de hetê Parastinî ra kişîyaye.

23 cinîyê Partîya Azadîya Kurdîstanî (PAK) hetê serkêşê hêzanê Zêrevanî Azîz Veysîyî ra teslîmê Tirkîya ameyî kerdene. 

Eyşane Mihemed Elî: 1992 de wextê protestoyanê vera PDKyî de Hewlêr de ameye qetilkerdene.

Hejyane Eyûb hetê mêrdeyê xo yê endamê Parastinî ra ameye qetilkerdene. Rixmê raporanê otopsî zî raştîye ameye nimitene.