28ê kanûna 2021î de netîceya bombardumanê dewleta tirke de, dewa Roboskî ya qezaya Qilebanî ya Şirnexî de  19ê ci domanî 34 kesî ameybî qetilkerdene.

Xîretê Edaletê Seba Roboskî hewteyê 657inî de verê bînaya Komeleya Heqanê Merdiman (ÎHD) a Anqara de eşkerayîye daye. 

Endamê ÎHDyî Tanju Gunduzalpî eşkerayîye wende û vat ke kesê ke 13 serrî verî qirkerdiş kerd tarîtîya Anqara de ameyê nimitene. Gunduzalpî vat: ''657 hewte yo cezanêkerdişê faîlan bi destê sîstemî dewam keno û 4 hezar û 596 rojî yo ma gêrenê edaletî. Roboskî de heqê ciwîyayîşî yê merdiman ame binpaykerdene. 

Heta ke Roboskî de edalet nêro caardene edalet do nêro Tirkîya. Sere de Roboskî ma do heta peynî vera şer û teda nêrazîbîyayîşê xo bimojnê. Roboskî îmtîhanê îqtîdar û dewlete yo. Girîng o ke mesuldarî wa bêrê dîyene, muhakemkerdene û cezakerdene. Ma xo vîr a nêkerd, nêkenê û do nêkerê.''