Rojawan de 63 kesê bînî pê vîrusî kewtî
Mabênê 24 saetanê peyênan de Rojawan de 63 kesê bînî pê vîrusê Korona kewtî. Ame parekerdene ke 2 kesî zî vîrusî ra merdî.
Heyetê Weşîye yê Îdareyê Xoserî yê Rojawanî bîlançoya peyêne ya Korona eşkera kerde.
Goreyê doneyan 24 saetanê peyênan de 63 kesê bînî pê vîrusê Korona kewtî û 2 kesî zî vîrusî ra merdî. 18 kesî zî vîrusî ra bîyî weş.
Heta nika 966 kesî Rojawan de pê vîrusê Korona kewtî, 48 kesî merdî û 309 kesî bîyî weş.
