Rojnameger  Oktay Candemîr reyna ame destbendkerdene û ame berdene bi Beşê Mudirîye yê Têkoşînê Vera Terorî yê Mudirîya Asayîşî ya Wanî.

Candemîr, 17'ê Kanûn a 2018'î de wexto ke seba îfadedayî şibi Mudirîyetê Asayîşî, bi îddîaya  “Sazgehanê dewlete û amîranê ci ra heqerekerdişî” amebi destbendkerdene û eynî şewe amebi veradayene. Candemîr nêzdîyê 15 serrî yo Wan de rojnamegerîye keno, hema-hema heme xeberê ci bîyî babeta tehqîqatî. Candemîr rîyê xeberanê xo yê nê 2 serran ra 24 reyî ame destbendkerdene.