Rojnameger Serdar 23yê gulane de hetê polîsanê Hollanda ra waştişê dewleta Almanya ser o amebi destbendkerdene. Karakoç 14ê hezîrane de bi şertî vera dîya. 

Karakoçî veradîyayîşî ra dima bi mesajêkî seba paştdayîşî her kesî rê sipas kerd. 

Karakoçî mesajê xo de vat: ''Ez embazanê xo yê kedkaranê çapemenîya azade, dezgehanê dostanîyan, demokratan û kesayetanê bînan rê seba paştdayîşê nînan sipas kena. Hêrişê vera çapemenîya azade serranê 90an ra nata sey parçeyêkê cuya ma dewam kenê. Ewropa de zî wextê peyênî de hêrişê vera dezgehanê çapemenîya azade yê kurdan yenê kerdene. 

Vera nê hêrişan ma do çimeyê cuya xo ya armancê azadîye yanî xoverdayîşî rê dewam bikerê. Ma do hertim peyê armancê xo yê demokrasî, haştî û azadîye bibê.

Ez venga şarê ma, dostanê ma û hêzanê demokrat û şorişgêran dana ke vera nê hêrişanê serê çapemenîya azade têkoşînî pîlêr bikerê.''