Muxabîrê Ajansê Mezopotamya (MA) Adnan Bîlen û Cemîl Ugur, muxabîra Jinnewsî Şehrîbane Abî û rojnamegere Nazan Sala yê ke seba ke pê xeberanê xo dabi eşnawitene ke di kesî Wan de helîkopterî ra ameyî wareştene û raşte îşkeceyî ameyî 9ê teşrîna verêne ya 2020î de ameybî tepiştene û muxabîra MA Zeynebe Durguta ke bêtepiştişî yena muhakemekerdene ewro vejîyayî mehkeme.

Ronişto verên ê dewa ewro Mehkemeya Girane ya 5. ya Wanî de ame kerdene. Rojnamegerê ke bi îdîya ''endamîya rêxistine'' yenê muhakemekerdene  de ameyî tehlîkerdene.