Rojnamegere Bêrîtane Canozer ameye destbendkerdene
Muxabîra Jinnewsî Bêrîtane Canozer Amed de sereştişê keyeyê ci de ameye destbendkerdene. Hetê bînî ra Adana de polîsan eşt xeylêk keyeyan ser.
Muxabîra Jinnewsî Bêrîtane Canozer çarçewa cipêrsayîşo ke derheqê ci de ameyo akerdene de, Amed de sereştişê keyeyê ci de ameye destbendkerdene.
Bado ke keyeyê ci de cigêrayîş ame kerdene Canozere ameye berdene Mudirîya Asayîşî ya Amedî.
Hetê bînî ra Adana de zî polîsan eşt 29 adresan ser. Sereştişê de berê keyeyan ameyî şiknayene, keyeyî ameyî serûbinkerdene û xeylêk kesî ameyî destbendkerdene.
