Derheqê rojnamegere Sabîha Temîzkanî de bi bahaneya vilakerdişê ci yê twitterî yê 2014î bi îdîaya 'propagandaya rêxistine' dewa amebî akerdene. Roniştişê bire Mehkemeya Cezaya Girane ya 35. ya Îstanbulî de ame kerdene.

Temîzkane pawitişê xo de îfade kerd ke vilakerdişê ci derheqê qirkerdişê DAÎŞî de xeberêke bibî û waşt ke bêra veradayene.

Avûkatê Temîzkane Veysel Okî zî ard ziwan ke muwekîla ci rojnameger a û coka karê xo kerd. Avûkatî zî beraatê muwekîla xo waşt.

Heyetê mehkeme sûcê 'propagandaya rêxistine' ra cezaya zîndanî ya serrêke û 3 mengan daye Temîzkane û ceza taloq nêkerde.