Rojnamegero fransiz Sylvain Mercadier mîyanê Heyetê Mîyanneteweyî de ca gêno û Silêmanî de yo. Sylvain Mercadierî ANFyî rê qisey kerd û ard ziwan ke Başûrê Kurdîstanî de meseleya tewr pîle hemkarîya PDKyî ya bi Tirkîya ya.

Sylvain Mercadierî îfade kerd ke PDKyî pê paştdayîşê xo yê bi Tirkîya krîterê xo binpay kerdî û da zanayene ke Tirkîya pê sîstemê faşîzmî îdare bena. Sylvain Mercadierî vat: ''PDK bi nê hawayî hesabanê emrkilman keno û xo nêzdîyê Tirkîya keno.''

Sylvain Mercadierî pare kerd ke Tirkîya tim dişmenîya kurdan kena û vat: ''Ganî qetilkerdişê Denîze Poyraz zî na çarçewe de bêra ercnayene. Tîya de Yewîya Ewropa vera xîretanê Erdoganî yê serê Rojawan, Başûrî bêveng a. Coka na babete de Yewîya Ewropa zî sûcdar a. Yewîya Ewropa têna eke menfaatê ci destî ra şorê têgêrena. Ma no çi Dengizê Sipî de dî.''