Rojnamegere Zeynepe Kuraya ke wexto ke eşkerayîya Mayanê Haştîye teqîb kerdêne bi şîdetî amebî destbendkerdene, vera ci bi îdîaya 'wezîfedaran rê vervejîyayîş û heqaretî' rê dewa amebî akerdene.

Roniştişo diyîn ê dewa Mehkemeya Eslî ya Îstanbulî de ame kerdene. Kuraye û avûkatê ci Omer Kavîllî tewrê roniştişî bîyî. Roniştiş de polîse Melîsa Bodura ke bi gerreyanê xo yê serê rojnamegeran û Kuraye şinasîyena amade bîye. 

Kavîllîyî seba ke Zeynepe Kuray pay de ameyêne vindertene nêrazîbîyayîşê xo mojna. Kavîllîyî waşt ke muwekîla ci goreyê qanûnan ganî hetê ey de ronişa. Naye ser o heyetê mehkeme Kavîllî salona roniştişî ra eşt teber.

Zeynepe Kuray serebût protesto kerd û waşt ke dadger wa vurîyo.

Roniştiş taloqê 2yê temmuza 2024î ame kerdene.